شهد برمدا تعود بأغنية “شو فيّ قلك” وهذا ما قالته؟
نحنا: بعد غياب عن إنتاج الأعمال الغنائية، عادت الفنانة السورية شهد برمدا الى الساحة الفنية بعمل فني جديد باللهجة اللبنانية حمل عنوان “شو فيّ قلك” من كلمات أنور مكاوي وألحان محمود عيد وتوزيع، والأغنية من إنتاج شركة Double Eight Production لصاحبها متعهد الحفلات السيد ميشال حايك.
بعد إطلاق أغنية “شو فيّ قلك” عبر تطبيق أنغامي، بررت شهد برمدا سبب غيابها عن الساحة الفنية، وقالت عبر حسابها الرسمي على موقع التواصل الإجتماعي إنستغرام:
“يالله الكل على انغامي، بعرف صرلي غايبة كتير و انتو بتعرفو السبب..و بعرف اني خايفة كتير لأنو الرجعة مو سهلة..بعرف كتار رح يحبو و كتار يمكن ما يحبو بس هالغنية انا بحبا من قلبي و مآمنة فيا..بدي اشكركن الكن اول شي عالحب الكبير..انتو و بس سبب رجعتي و استمراري..بدي اشكر السيد ميشيل حايك صاحب شركة double eight production المنتجة لكل اعمالي من اليوم،شكراً على اهتمامو و ايمانو فيني و انشالله تكون فاتحة خير علينا..بدي اشكر شركة سيريتل و مدام ماجدة صقر على الاهتمام و الدعم انتو عيلتي..علاء سلمور و كل فريق سيريتل شكراً عالمجهود..شكراً نينار و مديرها رامي منصور عكل اللي عم تقدموه و قدمتوه من قبل..شكراً لصاحب اغنية الموسم و اللي رح تخلد “نسخة منك” مين ما حفظا و عشقا..كاتب هالاغنية علي المولى شو ما حكيت عنو قليل هو عمل كل شي ديزاين لصوري و اللوغو تبعي و غرافيك الغنية و التواصل مع كل السوشل ميديا هالانسان موهوب من كل النواحي و هو فعلاً سند و صديق العمر..شكراً لفريق اغنيتي الكاتب انور مكاوي و الملحن محمود عيد و الموزع عمر صباغ و مهندس الصوت محمد المقهور شكراً يا مبدعين..شكراً #أنغامي عالدعم،و الشكر دائماً و ابداً لرب العالمين اللي محبب الناس فيني و باعتلي احلى عيلة و اصدقاء..اخواتي و ماما و بابا و عيلتي انتو سبب وجودي..انشالله دايماً كون عند حسن الظن..و مستنية ارائكن و انتقاداتكن”.
للإستماع الى أغنية “شو فيّ قلك” الضغط على الرابط:
https://play.anghami.com/song/20963342?bid=/aB1b/nQRBUT8ZFA
