متابعة نحنا – امل بوشوشة كانت الخيار الأول في مسلسل “على صفيح ساخن”
نحنا: أكد المخرج والمنتج إياد الخزوز على أن النجمة الجزائرية امل بوسوشة كانت الخيار الأولى لشركة I See Media للعب دور البطولةفي مسلسل “على صفيح ساخن” الذي يعرض خلال شهر رمضان الحالي.
ونفى إياد الخزوز في حديث مع ET بالعربي موضوع أن امل بوشوشة لم تكن الخيار الأول لهم، وقال في حديثه:
“بالنسبة لموضوع النجمة أمل بوشوشة، حقيقة من السنة الماضية كانت معنا بمسلسل (النحات)، وبتعرفوا كمان إنو المسلسل ما إكتمل وبالتالي ما قدرنا نستمتع بأداء أمل ووجودها بمسلسل (النحات)، لان ما كمل وكان الجزء الأكبر من دورها بعد الحلقة 15 فإتفقنا من السنة الماضية إنو تكون أمل معانا برمضان 2021، وبلشنا ندور على نص لغاية ما الأخت ديالا الأحمر اللي هي شريكتنا في سوريا بعتتلي العمل وأتفقنا أنو تكون أمل هي بطلة المسلسل وحقيقةً كانت الخيار الأول بالنسبة إلي وبالنسبة لشركة الإنتاج، وحكيت معها أنا شخصياً،وسألتها إذا بتحكي سوري قالتلي اه وكانت مشغولة بعمل تاني وقالتلي منجرب نلاقي وقت وبعدين حكيت مع الأخت ديالا وحكت مع الأخ سيف اللي كان مرحب ومبسوط وقلي أمل إضافة للمشروع والدور“.
وأضاف “في موضوع إنو كان سيف سبيعي مفكر بحدا تاني بممثلة تانية يعني، أي مخرج حقه المشروع يفكر بأكثر من خيار لما يجي يفكر وبعدين بيجي بيحكي لشركات الإنتاج، بس حقيقةً أنا ما وصلني ما حكى يعني سيف من جهته كان بيفكر بمجموعة خيارات ومنها أمل أصلاً كمان، ولكن إحنا كشركة إنتاج اللي الخيار الأول إلنا كان أمل وإنحكى مع أمل وسيف فوراً أبدى ترحيبه بالموضوع وأمل فنانة مهمة ووجودها بأي عمل هو إضافة“.
