عامر زيان يلجأ الى القضاء.. اليكم التفاصيل
نحنا: أكد الفنان اللبناني عامر زيان على أنه لا يملك أي حساب على تطبيق سناب شات، وأشار الى أنه يتعرض منذ سنوات لسرقة اسمه، واستعماله على هذا التطبيق من قبل أحد الأشخاص الذي يتبادل الأحاديث مع الناس ويسيء الى سمعته.
ونشر عامر زيان عبر صفحته الرسمية على الفيسبوك توضيحاً، كشف خلاله عن تفاصيل ما حصل، وأنه لجأ الى القضاء، وأوضح قائلاً:
“توضيح مهم مع إنو كلنا مشغولين بالكورونا بس الموضوع دقيق: في شخص صرلو ٣ سنين عم يتسلى فاتح ‘سناب تشات‘ وهمي بإسمي وعم يحكي مع الناس ويقلل أدب.. ما رح يتعلم.. اليوم عرفت مين بيكون، طلبت منّو أكتر من مرة يسكر الحساب ويوقف يحكي مع الناس ويستخدم صورة باسبوري.. بس بعدو عم ينكر.. من فترة اتصلت بقائد الشرطة القضائية العميد أسامة عبد الملك ومشكور عا إهتمامو الكبير بالموضوع والعميد بلال حجار ورئيس مكتب مكافحة الجرائم المعلوماتية وكمان مشكورين وتقدمت بشكوى ضد مجهول.. بس اليوم عرفت مين بيكون والأجهزة الأمنية صار عندها علم وخبر بالموضوع وباسم الشخص وهويتو.. حبيت وضح هيدا الشي لكل حدا كان عم يحكي معو عا أساس أنا. صارت القصة بالقضاء وبالقانون رح جيب حقّي.. وكل حادث إلو حديث.. الأزعر والمريض لازم يتعاقب ملاحظة: ما عندي أي حساب على سناب شات“.
من جهة ثانية، يستعد عامر زيان لطرح أغنية جديدة باللهجة اللبنانية، على أن يكشف عن تفاصيلها قريباً.
