متابعة نحنا – محمد رحيم يرد على عمرو مصطفى: كفاية غلط في الناس
نحنا: رد الملحن والموزع المصري محمد رحيم على زميله وابن بلده الملحن عمرو مصطفى طالباً منه عدم فرض كذبته التي يعيشها على الناس.
واعتبر محمد رحيم أن عمرو مصطفى يُخطئ بحق الناس ويستهزء من مجهود الآخرين، طالباً منه أن يلزم حدوده، وقال في منشور له عبر حسابه الرسمي على موقع التواصل الإجتماعي إنستغرام:
“صديقي عمرو مصطفى شاهدت حلقتك في برنامج العرافه للأعلاميه بسمه وهبه وكان ليا تعليق الحقيقه شوف يا عمرو انا ميهمنيش ابدا انك تبقى عايش في كدبه كبيره ومصدقها لكن يهمني انك متفرضش الكدبه دي على الناس وتحاول تقنع بيها بعض شرائح الجمهور البسيط اللى ميعرفش حاجات كتير عن أسرار وخبايا المهنه بتاعتنا البلد مليانه مبدعين وعلى أعلى مستوى من الموهبه والدراسه والابداع وكل واحد ليه مدرسته وليه تجاربه اللى لازم تحترم وكل واحد شق طريقه بنفسه وبذل مجهود لا يستهان به فأنت مش من حقك تقلل من حد ولا تحط نفسك فوق حد ولا تغلط في حد من ابناء مهنتك المبدعين اللى كلهم ناجحين سواء مطربين او ملحنين اشتغل وانت ساكت والزم حدودك انت مش أكتر من ترس في عجله جوه مصنع جوه مدينه جوه بلد كامله أسمها بلد الإبداع والفن والحضاره وهوليوود الشرق (مصر) وانا كل ما أبدأ معاك صفحه جديده ترجع تخون الصداقه والعيش والملح وتفاجئني بما هو أفدح من كل مره قبل كده كتير كنت بسكت وبقول مفيش داعي نكبر الموضوع المرادي انت بجد زودتها أوي كفايه غلط في الناس كفايه سخريه من مجهود الناس كفايه تعدي على كل الناس اللى شقيت وحفرت في الصخر علشان تكون اساميها وانا كمت أتمنى أن الرد ده اسمعه من السيد نقيب الموسيقين الفنان هاني شاكر او رئيسجمعيه المؤلفين والملحنين د/مدحت العدل ولكن كلهم سمعوا اهانه الناس وسكتوا“.
