منير بو عساف يفتح النار على اليسا، وينتقد ألبومها الجديد

نحنا: بعد ساعات على طرح الفنانة اللبنانية اليسا ألبومها الجديد “سهرنا يا ليل” من إنتاج شركة روتانا، والذي ضم 15 أغنية منوعة بين اللبناني والمصري، وغلب عليه اللون المصري حيث قدمت 12 أغنية مصرية، وأغنيتين باللهجة اللبنانية من كلمات شاعر مصري ومن ألحان ملحن مصري أيضاً، فتح الشاعر اللبناني منير بو عساف النار على ألبوم اليسا، وقال بو عساف عبر حسابه الشخصي على موقع التواصل الإجتماعي فيسبوك:

“بتجرُّد وبموضوعية سمعت البوم النجمة الكبيرة تا شوف وين الإبداع والذوق بالإختيار والإحساس العالي ،جَربت جرِّد حالي من تأثير نجوميتها عا حِكمي حتى ما كون عم حِب الأغاني لأنو لازم يكونوا حلوين بمجرّد ما تكون هيي عم تغنّيهن ،فا لقيت إنو يللي عاملتو من ملل بالألحان والجرايد الكلامية بالأغاني ونوعية وشكل الأغاني يللي ما بيخدم أي فنان على المسرح ، وايقاع غربي مبالغ باستعمالو ب أغلبية الأغاني ولَت وعجن ورتابِة ،هودي كلُّن غَلبوا وأطاحوا بتأثير نجوميتها عليي وكانوا كفيلين يخلّوني إتأكد إنو في كتير فنانين بتصير معن النجاحات بالصدفة المطلقة ومش من ذوق رفيع واختيار بذكاء وحِنكة واحساس عالي،ضيعان الوقت والمال يللي عم ينهدر عا١٥ و١٦ اغنية ب البوم واحد مصيرُن النسيان حتى ما قول شي تاني.
القَفلِة:التغطرس والتكبُّر والإدعاء وسياسة الرأي الأول والأخير لي وأنا اللي بفهم وبحِس ،بحِس رح يقضوا عليها فنياً. 
ملاحظة:يللي بدّو يهاجمني لأنو في عندو فنان إلٓه ومُنَزّه بالنسبة إلو ،ما ينسى إنو الفن ذوق ووجهة نظر،أي رأي منافي للأحترام والأخلاق يتحَمّل صاحِبُه تَبعاتِه ،من حق الرَد أولاً،والبلوك ثانياً،أو التجاهُل المطلق لأنو ما الي جلد ناقش أغبياء. 
مع إحترامي”.